Laerskool M.L. Fick het hierdie week vir die sanger, liedjieskrywer en musikant, Roux Cloete, as die skool se nuwe bemarker verwelkom.

Roux is self ’n oud-Emmie wat sy kreatiwiteit na die skool in ‘n nuwe rol sal bring. Hy sal vir die algehele bemarking van die skool verantwoordelik wees. Die skool is vanjaar 136 jaar oud en het ook ‘n puik gedenksaal bekendgestel.

“Ons wens vir Roux alle voorspoed toe met hierdie nuwe hoofstuk en sien uit na die idees en bydraes wat hy tot die skool sal lewer,” het die skool op Facebook genoem.