Die Supa Quick 10km wedloop is op Woensdagaand 4 November by die B-rugbyvelde langs Olënpark Rugby-stadion deur Bert’s Bricks Atletiekklub aangebied.

Die koelerige weer het goed saamgespeel en meer as 500 atlete het aan onderskeidelik die 10km wedloop en 5km pretloop deelgeneem.

In die 10km wedloop was Mthobisi Baloyi van die Pukke die algehele wenner in ‘n skaflike tyd van 31:48. Petrus Ditabe van Bert’s Bricks was tweede en Manzhele Thomas van Dome derde. Adelle Broodryk (Pukke) het die vroueafdeling in ‘n tyd van 37:21 ingepalm, gevolg deur Nicole Louw (Nedbank) en Sunél Jacobs (Pukke).

Die waterpunte was weer eens puik en Bert’s Bricks bedank Miederpark Spar, FFG en Supa Quick daarvoor.

Uitslae: 15km wedloop (net eerste plekke)

Junior dame: Nicola Louw (Nedbank)

Junior man: Phelani Maduwa (Nedbank

Senior dame: Adelle Broodryk (Pukke)

Senior man: Mthobisi Baloyi (Pukke)

Sub-veterane dame: Matshidiso Mochobo (Bert’s Bricks)

Sub-veterane man: Willem van Rooyen (Bert’s Bricks)

Veterane vrou: Mariette Hitge (Pukke)

Veterane man: Jacob Rathaba (Dome)

Meester dame: Tanja Kleyn (Bert’s Bricks)

Meester man: Johan Potgieter (Klerksdorp)

Grootmeester dame: Heleen van der Walt (Bert’s Bricks)

Grootmeester man: Koos de la Rey (Dome)

Dames stapper: Annette Koen (Pukke)