Die Luiperds se Welpiesrugby het op 28 Mei ’n rugbydag aangebied waar tjokkers hulle rugbytalente begin ontgin het. Daar was ’n klompie goue oomblikke op die veld waar ouers met toewyding hulle jong bloedjies aangemoedig het.

13 Skole het aan die dag deelgeneem.

Hulle sluit in: Laerskool Ventersdorp Gekombineerde Skool, Laerskool Bailliepark, Laerskool Saamtrek, Laerskool Mooirivier, Laerskool ML Fick, Laerskool Burgersdorp, Laerskool Orkney, Babbelbekkies Kleuterskool, Laerskool Noordvaal, Laerskool Meiringspark, Laerskool Goudkop, Laerskool Driefonteine en Laerskool Stilfontein.

Sowat 620 kinders het aan hierdie suksesvolle dag deelgeneem, waar toekomstige Luiperds en Springbokke miskien hulle eerste drie gedruk het.

Foto’s: Mario van de Wall.