Die derde Pieter de Klerk rondomtalie-tennisdag gaan op Saterdag, 11 Februarie  weer vir groot tennisaksie en pret sorg by die Potchestroom Buiteklub.

Volgens Pieter de Klerk van Potchefstroom Buiteklub tennis, gaan hierdie jaar weer net so lekker soos die vorige jare wees.

“Ons verwag ‘n groot opkoms van spelers daardie naweek. Inskrywingsgeld is R50 en wedstryde gaan in dubbels-formaat gespeel word. Daar gaan ook na die tyd ‘n heerlike bring-en- braai wees,” het hy genoem.

Die rondomtalie gaan om 11:00 begin en groot pryse en wisseltrofeë gaan op die spel wees.

Natuurlik sal daar genoeg verversings ook wees vir die honger en dors spelers na ‘n paar intense potte en stelle op die bane.

Vir meer inligting kontak Pieter by 083 274 6424 of Marlene by 083 463 2937.