Die tweede dag van hierdie naweek se ASA Senior Nasionale Atletiek-kampioenskappe in Potchefstroom by die Kenneth McArthur Stadion is behoorlik kookwater soos talle atlete hulle talente ten toon stel.

In vandag (22 April) se bloedige hitte het groot name soos Caster Semenya (400 meter), Julia du Plessis (Hoogspring), Elroy Gelant (10 000 meter) en Pieter Conradie  (400 meter) ACNW se naam hoog gehou met goud op tuisgrond. Conradie het met ‘n tyd van (44.15) vir die IAAF Wereld-atletiekkampioenskappe gekwalifiseer.

In die mans verspring het die 2016 Olimpiese Silvermedaljewenner, Luvo Manyonga met ‘n reuse 8.65 sprong. Die skare het mal gegaan en Manyonga kon nie genoeg van die aandag kry nie.

Nog op die SA kampionskap-spyskaart vanaand in Potchefstroom is die 200 meter vir mans en vroue, sowel as die 1500 meter vir mans en vroue en die altyd opwindende aflosse.

Kyk hier vir foto’s van die dag: (Foto’s: Wouter Pienaar)