Dit was die afgelope naweek behoorlik ‘n rugbyfees toe Laerskool Bailliepark hulle Welpie Rugbydag op Potchefstroom Boys High se velde aangebied het.
Tjokkers kon nie genoeg van die ovaalbal kry nie en het verskeie kere vir hulle maatjies gewys wie koning op die rugbyveld kraai. Die jong rugbywelpies het gehardloop, geduik, gelag en elke oomblik geniet – of dit nou op die verdediging of die aanval was. Veertien skole het aan die Welpiedag deelgeneem. Hulle sluit in: Bailliepark, ML Fick, Mooirivier, Ventersdorp, Goudkop, Saamtrek, Noordvaal, Laerskool Orkney, Lichtenburg, La Hoff, Meiringspark, President, Driefontein en Laerskool Stilfontein.

Foto’s: Wouter Pienaar