Potchefstromers wil staal in Luiperds se Cravenweekspan wys
Nege rugbyspelers van Potchefstroomse skole is vir vanjaar se Luiperds Cravenweekspan gekies wat vanaf 17 tot 22 Julie by St. Stithians College in Johannesburg in die grootste skolerugbyskouspel in die land gaan deelneem. Vyf Gimmies, wat onder andere kaptein George van der Westhuizen, Arno Gustafson, Mitchelle van der Merwe, Anelka Barends en Frank Lee Jackson …
Nege rugbyspelers van Potchefstroomse skole is vir vanjaar se Luiperds Cravenweekspan gekies wat vanaf 17 tot 22 Julie by St. Stithians College in Johannesburg in die grootste skolerugbyskouspel in die land gaan deelneem.
Vyf Gimmies, wat onder andere kaptein George van der Westhuizen, Arno Gustafson, Mitchelle van der Merwe, Anelka Barends en Frank Lee Jackson insluit, is vir die span gekies. Hanru van Rooyen, die staatmaker losskakel van Hoër Volkskool Potchefstroom, gaan die bevoorregte nommer 10 trui oor sy kop trek. KW Majola van Boys High en Pitso Mosia van HTS Potchefstroom sal onderskeidelik as linker en regtervleuel diens doen. Lwazi Gumedze van HTS sal op slot diens doen.
Die Akademieweek gaan ook reglynig met die Cravenweek in dieselfde tydperk plaasvind. Gimmies se Edrich Cronjé en Keenan Twigg, sowel as Boys High se Kabelo Phalatse is vir die Luiperds Akademieweekspan gekies. Stephan Delport, Danie Boshoff (albei Gimmies), Sisa Booi en Katleho Morapane (albei Boys High) is vir die Luiperds se Puk-uitnodigingspan gekies.
