Gimmies se Sewesspanne het die afgelope naweek aan die Kwêvoëlfees op Swartruggens deelgeneem.

Albei spanne was poelwenners. Die seniorspan (o.17) het teen die Luiperdsspan in die finaal verloor, terwyl die juniorspan (o.15) teen die Uitnodigingspan ook in die finaal verloor het. Omogolo Fondo is as die beste o.15-speler by die toernooi aangewys. Die o.17-span (Luiperdskampioene) neem die komende naweek (Vrydag 22- en Saterdag 23 September) aan die Noordvaaltoernooi by Hoërskool Menlopark in Pretoria deel. Gimmies kom teen Monnas, Transvalia en Oos Moot in hulle poel te staan.