Die NWU Prestigereeks eindstryde het vandag in Potchefstroom plaasgevind met seunshokkie, dogtershokkie en netbal wat uitstekende sportaksie gebring het.

Op plaaslike front het Potchefstroom Gimnasium se eerste seunshokkiespan 1-1 gelykop in ‘n taai wedstryd teen Middelburg gespeel.

Middies kon die wedstryd in die laaste 5 minute beklink het, maar het vele kanse verbrou en albei spanne het sodoende die eerste plek gedeel.

Foto’s: Wouter Pienaar

In netbalaksie het Volkies se o.17A span die goue medalje verower toe hulle Noordheuwel met 16-14 geklop het. Gimmies se eerste netbalspan het die bronsmedalje verower toe hulle vir Jeugland met 38-23 kafgedraf het. Zwartkop het die goue medalje verower.

Kyk die foto’s hier: