Luiperds se Cravenweekspanne bekendgemaak
Die Luiperds Rugbyunie het verlede week hulle skolespanne vir die komende o.18 Craven Week en Grant Khomo Weke bekendgemaak. Die o.18 Craven- en Akademie-week vind vanjaar vanaf 8-14 Julie by Paarl Boys High plaas. Die o.16 Grant Khomo-week vind vanaf 1-6 Julie by Hoërskool Diamantveld in Kimberley plaas. Agt Potchefstroomse rugbyspelers het die Cravenweek 23-tal …
Die Luiperds Rugbyunie het verlede week hulle skolespanne vir die komende o.18 Craven Week en Grant Khomo Weke bekendgemaak.
Die o.18 Craven- en Akademie-week vind vanjaar vanaf 8-14 Julie by Paarl Boys High plaas. Die o.16 Grant Khomo-week vind vanaf 1-6 Julie by Hoërskool Diamantveld in Kimberley plaas.
Agt Potchefstroomse rugbyspelers het die Cravenweek 23-tal gehaal. Kobus Burger, Gustav Erlank en Awie Visser (Volkies), Anelka Barends, Keenan Twigg, Frank-Lee Jackson (Gimmies), KW Majola (Boys High) en Luwazi Gumedze (HTS Potchefstroom) is deel van die groep.
‘n Paar spelers het ook die Luiperds Akademiespan behaal en met hulle talent kon hulle net so maklik in die Craven Week-groep ingesluit wees. Hans Laufs en Johatt Batsietseng (Gimmies), André Smit (Volkies) en Ompheme Buti (HTS Potchefstroom) sal vir die Akademiespan diens doen.
Twee van Potchefstroom Boys High se belowende o.16 spelers, die stut, Mpho Molefi en slot Moabi Xhosa is in die Luiperds se o.16 Grant Khomo-span ingesluit.
