Die Noordwes Gryphons hokkieklub het Saterdag 4 Augustus in Klerksdorp vier wedstryde gespeel, waarvan hul net een verloor het. Hierdie plaaslike klub is op 18 Januarie vanjaar gestig en spog vandag met 93 lede (mans en dames). Zandré Steyn, president van die klub, en Bradlee Rowland,visepresident van die klub, het ‘n aanvraag na hokkieklubs gesien in die gemeenskap en het besluit om die klub te stig.

Albei van hul het ‘n groot passie vir hokkie. Zandré speel self vir die klub, waar Bradlee meer betrokke is by die afrigting. Lede wat meer wil uitvind oor die klub kan gerus op hul Facebookblad gaan kyk, “North West Gryphons Potchefstroom hockey club”, of hul e-pos vir enige navrae by nwgryphons@gmail.com.