Veerpyltjiespelers trek die teiken by nasionale kampioenskappe
Die JB Marks Veerpyltjie Vereniging het hierdie jaar vir die eerste keer aan die Suid-Afrikaanse Veerpyltjie Kampioenskappe in Kiblerpark in Johannesburg deelgeneem. Die kampioenskappe wat in Julie gehou is, was ‘n harde stryd vir beide die mans- en damespanne wat uit die Potch Gooiers Pyltjiespelklub gekies is. Die dames eindig tweede in hulle afdeling met …
Die JB Marks Veerpyltjie Vereniging het hierdie jaar vir die eerste keer aan die Suid-Afrikaanse Veerpyltjie Kampioenskappe in Kiblerpark in Johannesburg deelgeneem.
Die kampioenskappe wat in Julie gehou is, was ‘n harde stryd vir beide die mans- en damespanne wat uit die Potch Gooiers Pyltjiespelklub gekies is.
Die dames eindig tweede in hulle afdeling met ‘n silwermedalje, waar hulle slegs een punt agter die wenners geëindig het.
In die mans-afdeling eindig JB Marks in vierde posisie in hulle blok aangesien hulle in vier valbyl wedstryde moes speel wat hulle beslis van ‘n tweede plek beroof het.
In die dubbelspel-formaat eindig Izak du Plessis en Charles van der Berg in die top agt.
Du Plessis het ook die Noordwes span verteenwoordig en het een 180 gegooi. Charles van der Berg gooi twee 180, Herman Coetzer twee 180, Jacobus Coetzer een 180 en Anika van der Berg een 180. Daar word beoog om ’n tweede klub te stig in JB Marks om sodoende die sport uit te brei. Daar is plek vir families. Die wat ernstig wil speel en die wat net wil ontspan en sosiaal speel.
Belangstellendes kan vir Herman Coetzer by 083 794 0641, Charles van der Berg by 067 098 3525 of Hubertus Mostert by 076 030 4081 kontak.
