Met die wenstreep voor haar oë spring Potchefstroom Gimnasium se naelloopblits, Miandi van Staden (16), in die 200m-wedloop by SA’s weg. Oorwinning is in sig en alles verloop vlot, maar vyf meter voor die eindstreep struikel sy letterlik in ’n goue posisie in.
Met ‘n tyd van 24,45 sekondes duik sy in die rekordboeke in en verower nog ‘n o.18 SA titel. Op dié tartanbaan by die Dal Joseph-atletiekstadion in die Paarl het sy behoorlik grond gekoop, maar dit was darem nie ‘n duur prys om te betaal nie. Sy is met ‘n spierwit glimlag ‘n kort rukkie later met goud op die podium beloon.
In die 200m finaal (o.18) het ek oor die lyn geval en met die goud weggestap. Die paar skraapmerke wat ek het, sal my altyd aan daardie dag herinner,” vertel sy.
Lees meer in hierdie week se Potchefstroom Herald oor hierdie top atleet se prestasies by beide die SA Hoërskole Atletiekkampioenskappe sowel as die ASA o.18 en o.20 Atletiekkampioenskappe
