Die NWU se uitstekende jong veelsydige speler, Ruan Haasbroek, het die afgelope naweek in die KSA Future Cup deelgeneem waar hy die SA Universiteite Krieketspan (USSA) met melding na ‘n toernooi-oorwinning as kaptein gelei het.

Die USSA-span het teen SA Platteland, en die SA Franchise Akademie-span in T20 rondomtalie wedstryde in Kimberley gespeel. Haasbroek het nie die beste toernooi met die kolf beleef nie, maar het andersins met puik veldwerk en kapteinskap bewys dat hy die nodige leierskapsvaardighede het.

Haasbroek het tog in 2015 Gimmies se eerste krieketspan op die veld gelei, so hy is nie ‘n leek as dit by kapteinskap kom nie.
Vir die USSA-span het Fritz de Beer en Dilivio Ridgaard met die kolf ingeklim, terwyl Beyers Swanepoel en Katle Leokaoke (NWU) uitstekend met die bal was.
De Beer is ook as die speler van die toernooi aangekondig.