Die plaaslike Bobbies veerpyltjies manspan het die jaarlikse Noordwes Interklubs-kompetisie wat op Saterdag, 1 Junie in Klerksdorp gehou is, gewen.

Daar was ‘n klompie harde wedstryde waar die pyltjies behoorlik gevlieg het. Potch Bobbies het al hul wedstryde gewen, waarna hulle in die finaal teen Impala van Rustenburg gespeel het.

Dit was ‘n stryd wat enige kant toe kon gaan. Bobbies het uiteindelik die stryd met 9-8 gewen. In totaal was daar 72 spelers vanoor die provinsie – ‘n rekordgetal bywoning. Dit was die grootste getal spelers in ‘n Noordwes-kompetisie die afgelope 19 jaar.