Dit is weer tyd vir die jaarlikse Potchefstroom Animal Welfare Society (Paws) gholfdag wat Vrydag, 20 November by die Potchefstroom Buiteklub gehou word.
Gholfspelers en -liefhebbers gaan op dié dag weer balle sink om glimlagte op die diere se gesigte te sit. Volgens Paws se bestuurder, Herman van der Sluis, kan Potchefstromers op verskillende maniere betrokke raak, hetsy om ‘n span in te skryf, ‘n watergat of ‘n prys te borg of enige donasie te maak.
Die kostes is as volg:
*R1 700 per span van vier wat ‘n rondte gholf en twee etes en iets te drinke op die baan insluit
*R500 vir die borg van ‘n watergat
*R2 000 vir ‘n span en borg van ‘n watergat
Belangrike inligting:
•Alle gholfkarretjies word deur die spelers self by die gholfbaan bespreek.
•Alle Covid-19 reëls en regulasies sal op die dag van toepassing wees. Die formaat is ‘n Beterbal Scramble Drive.
Vir meer inligting, kontak Herman by 082 374 9983.
