Die laaste wedstryde in die Premierliga vir mans en vroue vind Saterdag, 20 Februarie by die Potchefstroom Buiteklub (PCC) plaas. Die Eersteliga se halfeind en eindstryde is geskeduleer vir 28 Februarie. Na afloop van die naweek se wedstryde lyk sake nou so in die ligas.
Premierliga: Vroue: Die Potchefstroom rolbalklub se span wat bestaan uit Corrie Breitenbach, Rhonda en Natasha Kallis en Brenda Palmer, het ‘n voorsprong van agt punte oor die PCC-span wat bestaan uit Riekie Broodryk, Sega Mokoto, Helena Koekemoer en Babey Mogonjana.
Mans: Pikkie Loots, Tinus Crous, Richard Harris en Piet Croucamp van Klerksdorp rolbalklub is byna oonaanvegbaar in die eersteplek met 58.5 punte. Eersteliga: Hierdie liga speel wel halfeindwedstryde wat oploop na die twee finale.
Huidige seksievoorlopers: Vroue:
Seksie 1: Potch (2) 45
Seksie 2 PCC (2) 38.5
Seksie 3 Fochville (2) 41
Mans: Seksie 1 Klerksdorp 33
Seksie 2 Potch (1) 49
Seksie 3 Klerksdorp (5) 32
Seksie 4 Sannieshof 56
