Potchefstroom Gimnasium se eerste krieketspan het die afgelope Saterdag, 11 September vir Fields College gemaklik met ses paaltjies geklop. In hierdie NW o.19 Skoleligastryd het Gimmies vroeg die voortou op die Gimmie-Oval geneem en Fields College vir 153 almal uitgeboul.

Johan Mahne (3/15) in 9 boulbeurte en Jonathan Eybers se 2/16 in 5 boulbeurte het met die beste syfers gespog. In die lopiejaagtog het Mahne (44) en Junior Mathe (50) Gimmies se skip op koers gehou. Hulle vennootskap het die oorwinning vir die tuisspan verseker.