Die sesse en viere het behoorlik gereën vanmiddag op Laerskool Baillie Park se krieketveld tydens die T10 toernooi wat vandag en Saterdag plaasvind.

Vandag, Vrydag, 24 September het Volkies en Gimmies se T10 spanne, wat uit oud-leerders en personeel bestaan, die stryd in hierdie opwindende formaat aangevat.

Foto’s: Wouter Pienaar

Volkies het die oorhand gehad danksy ‘n puik kolfbeurte van Andries Huisamen, Awie Visser, en Van Zyl Smit.

Volkies moes 136 jaag vir ‘n oorwinning en het die vinnig reggekry met ‘n paar reuse houe.

Gimmies se Gerhard Turkstra het ook ‘n goeie dag met die kolf vir sy span gehad, terwyl Erik Wyma ook ‘n paaltjie vir die manne in blou laat kantel het.

Dit was ‘n wedstryd vol pret en sportmangees tussen albei spanne wat weer die klok so bietjie kon terugdraai om die skare te vermaak.

Die aksie gaan weer voort morê met die eindstryd wat om 17:00 sal plaasvind.