2021 sal ‘n jaar wees wat die Potchefstroomse gholfspeler, Christiaan Burke, nie sommer sal vergeet nie. Nie net het hy die baanrekord by die Potchefstroom Buiteklub met ‘n 56 (-16) opgestel nie, maar ‘n allemintige 13 trofeë op amateur en professionele vlak gewen.
Drie toernooi oorwinnings was op amateurvlak, vier op die Big Easy IGT (professionele toer) en vyf op die Bushveldtoer (professioneel) en die klubkampioenskappe by Serengeti.
Burke is ook tans vierde in die land op amateurvlak in die Ope Mans kategorie. “Vanjaar was my mental game baie sterk en daarom kon ek baie toernooie gewen het. Ek het hard geoefen die afgelope vier jaar om vanjaar so baie toernooie kon wen,” noem hy.
In 2022 beplan Burke om in die Britse of Amerikaanse Amateurtoernooi te speel en in die Eisenhower trofee (2022 Wêreld Amateur Spankampioenskappe) in Frankryk te speel waaraan die top 3 amateurspelers in Suid-Afrika kan deelneem
