“Daar was twee of drie keer wat ons vir 15 fases verdedig het. Dit het ‘n baie groot verskil gemaak,” dit was Volkies se hoofafrigter Mighael de Beer, se reaksie nadat Volkies vir Hoërskool Oos-Moot in die NWU reeks geklop het.

Met Saterdag (12 Maart) se rustyd telling 7- 5, in Oos-Moot se guns moes hulle tevrede met hulle spel wees. Dean Snyder en sy spanmaats by het ander ides gehad. Snyder het drie skepskoppe oorgeklits, ‘n drie gaan druk en twee van sy span se drieë verdoel, om ‘n wegsege te verseker.

Die eindtelling was 21 – 14 in Volkies se guns.

“Oos-Moot se hele senior groep is baie goed. So ek is baie trots op die ouens. Dit was rof maar ons het dit deur getrek,” verduidelik de Beer.

Volgens de Beer is daar nog baie harde werk.

“Daar is maar redelik foute gemaak, maar ons sal dit kan reg maak,” het hy gesê.

Volkies gaan ‘n harde wedstryd teen Lichtenburg, Woensdag (16 Maart) speel. Lichtenburg het ook hulle eerste NWU Reeks wedstryd gewen. Die wenner van Woensdag se wedstryd sal bepaal wie bo aan die groep se punteleer eindig voor die vakansie.

Die ander Rugby-uitslae op die dag lyk soos volg:

o/14A wen 24 – 7

o/14B wen 21- 12

o/15A wen 10 -3

o/15B Gelyk 24- 24

0/16A wen 15 – 12

Derdes Verloor 14 – 24

Tweedes Verloor 0 – 14

Eerstes Wen 21 – 14