Die NWU het hulle hoop om in die uitkloprondtes van die Varsitybeker te speel gisteraand (28 Maart) behoorlik an die lewe gehou.

Die Arende het met 61 – 26 met die reeds gerelegeerde Madibaz in Potchefstroom klaar gespeel. Spelers wat maar min speelkans die seisoen gekry het, het ook hulle hande opgesteek. Theunis Pretorius wat op buitesenter begin het, het ‘n skitterende drie gedruk.

Martin Venter, het weer goed gelyk op losskakel waar hy die aanval behoorlik aan die gang gehou het. Die NWU het agt driëe gaan druk om met ‘n broodnodige bonuspunt te wen. Die dominerende vaste fasette het die platform vir agterlyn geskep om so bietjie ‘sjampanje’ rugby te speel. Daar sal dalk bietjie kommer wees oor die vier driëe wat die NWU afgestaan het, maar wanneer rugby op so tempo gespeel word met soeke na driëe sal daar altyd onnodige driëe afgestaan word.

Die NWU sal sy laaste twee wedstryde moet wen en hoop een of twee ander uitslae gaan hulle kant toe om die uitkloprondtes te haal. Die Arende se volgende wedstryd is weg stryd teen CUT waarna hulle Wits in Potch gaan aanvat.