Die o.16A-hokkiedogters van Potchefstroom Gimnasium is nog ‘n Gimmiespan wat met goud om hulle nekke kan spog nadat hulle vir Hoërskool Noordheuwel met 2-0 in die NWU Prestigereeks-eindstryd op Saterdag, 7 Mei geklop het.

Amé Keyser het altwee doele vir Gimmies geslaan om ‘n welverdiende oorwinning vir hierdie blink jong span te verseker.

Gimmies hokkie lyk in goeie hande as ‘n mens kyk na die uitslae wat deur die loop van die NWU Prestigereeks behaal is.