Die Noordwes Universiteit se netbal en hokkiespanne het hierdie week hulle USSA-toernooi veldtogte begin.
Die NWU se netbalspan se toernooi vind by Camp Discovery in Pretoria vanaf 5-9 Julie plaas, terwyl die mans en vroue hokkiespanne in die USSA-week vanaf 4-8 Julie in Kaapstad deelneem.
Die NWU netbalspan het met ‘n taai 37-32 uitslag teen die Universiteit van Wes-Kaapland in die Superliga-afdeling begin, voordat hulle gelykop teen Kovsies met 36-36 gespeel het.
Die NWU moet nog teen Maties, Tuks en NMU speel in ‘n uitdagende groep.
Op die hokkieveld het die NWU vroue hokkiespan hulle toernooi met ‘n 1-1 uitslag teen Maties begin. Die NWU mansspan het met ‘n oortuigende 11-0 oorwinning vir die Durban Universiteit van Tegnologie ‘n behoorlike pak slae gegee.
