Volkies se 1ste XV het ‘n paar plekke op die punteleer geklim nadat hulle Saterdag, 22 Julie, met Hoërskool Alberton afgereken het.

Volkies het met 34 – 5 die Johannesburgers laat les opsê.

Christo Rose was weer op sy beste, waar hy baie geleenthede vir sy spanmaats, veral Ludwig Shuld geskep het. Hy het ook agter die pale gaan kuier.

Volgens Mighael de Beer, hoofafrigter van Volkies, het sy span goed besit behou. Wat verskeie geleenthede geskep het.

“Hulle was baie goed gewees, en het nooit gaan lê nie. Daar was maar bietjie roes om af te skud na die vakansie, maar toe ons weer in ons struktuur inkom, het dit begin goed gaan, ” het de Beer gesê.

Volkies het ‘n loslootjie komende naweek, waarna hulle Merensky toe reis om hulleveldtog voort te sit.