Die tyd vir junior klub rugby het weer aangebreek. Potch Dorp se o.13, o.15 en o.17 spanne het verlede naweek reeds die reeks afgeskop.
Vanjaar se reeks sluit, Potch Dorp, Klerksdorp en Stilfontein Hurricanes in. Dorp speel komende naweek teen Klerksdorp nadat hulle verlede naweek teen Hurricanes die reeks afgeskop het.
Hurricanes se sterk o.13 span het Dorp met 0-25 geklop terwyl Dorp met hulle o.15 span ‘n naelbytstryd 14-10 gewen het. In die laaste wedstryd het Hurricanes se o.17 span ‘n noue oorwinning van 12 – 26 gehad.
Hierdie naweek, reis die Potchefstromers na Klerksdorp om een oor hulle ou vyande te probeer kry. Dit is nooit maklik om Klerksdorp by hulle tuiste te klop nie, maar Dorp gaan alles in die stryd werp om die oorwinning te behaal. Klerksdorp weet wat op hulle wag en sal nie die manne van Potch Dorp onderskat nie.
Die o.13 span speel om 09:00, o.15s skop 10:00 af en die o.17s sal hulle wedstryd om 11:00 begin. Alle wedstryde vind 2 November by Markotter plaas, en daar is ‘n ingangsfooi van R20.
