Potch Dorp het die afgelope naweek, vir hulleself ‘n derde plek in die Phillip van Rensburg uitdaagbeker los gespeel.

Die Potchefstromers en Impala rugbyklub van Rustenburg, was in die tweestryd gewikkel vir die 3rde plek. Dorp het goeie rugby gespeel en die wedstryd met 29-10 gewen.

Die oorwinning sal vir hulle goeie selfvetroue gee wanneer die Presidents beker komende naweek, 10 Mei afskop.

Volgens Henry Stewart, hoofafrigter van Potch Dorp, was daar ‘n paar oomblikke wat die spel bietjie losgeraak het, maar toe die manne van Potch weer in hulle strukture gespeel het, is daar punte aangeteken.

“Ons verdediging is nog te stadig en ons sal moet meer aggresief die lyn opvat. Oor die algemeen is ek gelukkig maar ons het vier drieë weg gegooi. waarvan 2 was oor tierlantyntjies met agter die rug aangee in plaas van net gewone aangee.  Die naweek teen Sibanye is ‘n groot toets maar ek glo die spanne sal vir die uitdaging opgewasse wees,” het Stewart verduidelik.