Volkies is in ‘n moet wen situasie wanneer hulle die naweek na Eldoraigne reis vir hulle volgende Noordvaal Bowl-afdeling kragmeting.

Volkies sal wil keer dat hulle drie in ‘n ry verloor nadat hulle teen Gimmies en meer onlangs teen Merensky kort gekom het.

Volgens Mighael de Beer, hoofafrigter van Volkies se 1ste XV, is dit altyd ‘n taai wedstryd teen Eldoraigne.

“Ons het hulle nog nie gewen nie, hulle is ‘n groot skool, maar ons het planne vir die wedstryd. Ons het ‘n paar skuiwe gemaak. Ons aanval gaan baie beter wees, so ek is opgewonde,” het de Beer gesê.

Volkies lê tans in 8ste plek op die punteleer, maar het nog net 3 wedstryde gespeel. ‘n Bonuspunt wen kan die Potchefstromers weer in die top 5 indruk.

Die wedsstryd tussen Volkies en Eldoraigne vind in Pretoria op 7 Junie plaas.