Die Herald het verlede week berig oor die toestand van die Potchefstroom begraafplaas wat inwoners ontstel en ook onveilig laat voel wanneer hulle, hulle geliefdes se grafte besoek.

Die bosse by dié begraafplaas staan amper net so hoog soos die grafte.

Jeanette Tshite, munisipale woordvoerder, sê die instandhouding van begraafplase het agterweë gebly weens hoë reënvalpatrone.

“Die JB Marks Plaaslike Munisipaliteit reageer vinnig op die publieke oproer oor die toegegroeide begraafplase in beide die Potchefstroom- en Ventersdorp-streek. Die skoonmaakprogram het verlede maand in Februarie by die Ikageng-begraafplaas begin. Ons hoop om alle begraafplase voor die Paasvakansie skoon te maak.”