Jannas-atlete haal uit en wys tydens Gauteng-kampioenskappe

Vier atlete van Hoërskool Jan Viljoen is gekies om aan die Gauteng-atletiekkampioenskappe deel te neem.

Die leerders het Vrydag, 6 Maart en Saterdag 7 Maart aan die kampioenskappe deelgeneem wat by die Ruimsig Stadion gehou is.

Hierdie vier Jannas-atlete is vir die Gauteng-kampioenskappe gekies:

• Arno Jansen van Vuuren: o.19-hoogspring

• Juanita Bester: o.19-driesprong

• Eddy Mahlayeye: 100m hekkies en verspring vir o.15’s

• Keagan Taylor: o.15-diskus

Volgens Tammy Smith, skoolwoordvoerder, het Arno ‘n vierde plek behaal met ‘n persoonlike beste hoogte van 1,94m.

Hoërskool Jan Viljoen wens die atlete baie geluk met hul wonderlike prestasies.