Die inperking het ‘n groot impak op alle Suid-Afrikaners gehad.

Hoërskool Riebeeckrand het aan die begin van die vlak 5-inperking ‘n omgeehart-projek geloods om vir hul minderbevoorregte gesinne kospakkies te voorsien.

“Die ouers en ondersteuners van Riebeeckrand het almal ingespring en die gesinne het ‘n paar keer kospakkies ontvang,” sê Elzeri Wright, skoolwoordvoerder.

Sedert die skole heropen het, het Riebeeckrand hul voedingskema se dienslewering uitgebrei.

“Ons voorsien nou ‘n bakkie pap in die oggend en gekookte ete in die middae aan elke voedingskemaleerder.

Van Riebeeckrand se hotelskoolpersoneel asook ouers is die uitmuntende kokke wat die heerlike etes met die grootste liefde vir ons leerders voorberei”.

Elzeri het genoem dit is wonderlik om ‘n verskil in iemand se lewe te kan maak.

“Dit is voorwaar ‘n voorreg om deel van die Randfonteingemeenskap te wees waar almal saamstaan, mekaar help en ‘n verskil probeer maak.”

Die Riebeeckrand-familie bedank graag elke ouer en ondersteuner vir hul finansiële- en voedsel bydra.

Ons bedank ook al die ouers wat help met die voorbereiding van die etes en ‘n groot dank aan Laerskool Rapportryer, FNB en Henning Boerdery wat reuse skenkings gemaak het.

“Dankie ook aan Willie Barnard, Bettie Nel en Marius van Zyl wat betrokke was by die voedingskema,” sê Elzeri.