Laerskool Rapportyer spog met ‘n opgegradeerde musiekskool.

Annalien du Plessis, departementshoof van die musiekskool het vertel dat die Departement van Onderwys in 2019 besluit het om die musiekskool vanaf FJL Wells Intermediary School na Laerskool Rapportryer te skuif.

Sy het aanvanklik alleen by Rappies begin om viool, tjello en sang te onderrig maar die leerlinggetalle het bly groei – gevolglik het die musiekskool meer klaskamers benodig.

Na baie beplanning is daar verbeterings en verbouings aangebring aan bestaande strukture, die naskoolsentrum is omskep in drie musiekklasse en die ou kolekamer is nou ‘n musiekstudio,” het Annalien gespog.

Rayno Wagner, een van die studentonderwysers het later begin om kitaargroeplesse te gee, Lizette Furstenberg gee onderrig in klavier, klawerbord en blokfluit, en Carel Nel gee onderrig in kitaar, viool en klavier.

“Die musiekonderwysers, wat aangestel is deur die Departement van Onderwys, het almal BMus-grade en goeie ondervinding as musiekonderwysers,” het sy vertel.

Annalien het gesê dat die musiekpersoneel baie opgewonde is oor die nuwe fasiliteite wat in al hul behoeftes voorsien.