Die I Dare You Foundation se harte het oorgeloop van blydskap toe hulle ‘n groot kosskenking van Rappies Pre-Primêr ontvang het.

Dit sal vir minderbevoorregte gesinne gebruik word.

Volgens Ilonka Lourens, ‘n stigterslid van die organisasie, het die I Dare You Foundation vir die hoof van Rappies Pre-Primêr, Sonja van Tonder genader om te vra of hulle saam met die skool kos kan insamel vir dié minderbevoorregte mense.

Die skool het Maandag, 18 Januarie met die insameling begin en ons was bevoorreg om die talle kositems op Vrydag, 22 Januarie te gaan oplaai.”

Ilonka het vertel dat elke kleuter gevra is om net een item te bring maar die ouers van Rappies Pre-Primêr het hulle harte oopgemaak en sommige leerders het meer as een item gebring.

“Ons is geseënd en het baie ontvang om die magies van die mense wat ons help, vol te maak.”

Ilonka het gesê dat hulle nou die kospakkies gaan opmaak en dit dan uitdeel vir die mense wat dit regtig nodig het.

“Ons sê graag baie, baie dankie aan elke ouer van die kleuterskool en aan Rappies Pre-Primêr self namens ons by I Dare You Foundation.”