Dit is ‘n splinternuwe skooljaar en vir sommige leerders is dit hul eerste keer in grootskool.
Laerskool Randfontein het onlangs hulle graadeentjies verwelkom vir hulle eerste amptelike skooldag.
Die nuwe groep Graad 1’s was vroeg reeds by die skool en is by die saal verwelkom deur Leon Haupt, hoof van Laerskool Randfontein waar hy vir hulle hul sporthemde asook hul paspoorte gegee het. Daarna is hulle na hul klasse toe.
Die leerdertjies met hul mooi haarstyle het te spoggerig gelyk in hulle splinternuwe skooldrag.
Die Graad 1’s het gou-gou aan die werk gespring in die klaskamer en met hul splinternuwe grootskool-skryfbehoeftes prentjies ingekleur.
Baie van die leerders wat langs mekaar sit, het selfs reeds maats gemaak, en daar is nie eers een traan gepink omdat hulle weg was van mamma en pappa nie.
Nog fotos hier:
