Simoné Kruger, paralimpiese atleet van Hoërskool Garsfontein, het by die onlangse Grand Prix-atletiekbyeenkoms van Atletiek SA in Germiston  die paralimpiese Afrika-rekord in die diskus vir vroue (F38) met ’n poging van 34.74 meter verbeter.

Weens ’n beroerte wat Kruger gehad het tydens geboorte, het sy ’n vorm van serebrale verlamming aan die een kant van haar liggaam opgedoen. Dit beteken basies dat die spier-geheue aan die regterkant van haar liggaam verlore gegaan het in die proses.

Hierdie toestand plaas haar in die F38 kategorie as paralimpiese  atleet.

Kruger het Suid-Afrika verlede jaar reeds by die Paralimpiese Spele verteenwoordig in beide die diskus en gewigstoot items.

— Nog ’n Garise atleet, die hoogspringer, Mia Janse van Rensburg, het ook aan die senior-byeenkoms deelgeneem en ’n tweede plek met ‘n sprong van 1.75m behaal. Dit plaas haar vyfde op die wêreldranglys vir meisies o.18.

Die 15-jarige Janse van Rensburg wat al vanjaar tydens ’n skole-byeenkoms op 1.76m oor die dwarslat geseil het, is tans tweede op die ranglys vir senior Suid-Afrikaanse vroue in dié nommer.

— ’n Derder atleet van Garsfontein, die baanatleet, Chane Kok, het ook aan die byeenkoms deelgeneem en ’n vierde plek in die 100m-hekkies in ’n tyd van 14.14 sekondes behaal.

Do you have more information about the story?

Please send us an email to editorial@rekord.co.za or phone us on 083 625 4114.

For free breaking and community news, visit Rekord’s websites: Rekord East

For more news and interesting articles, like Rekord on Facebook, follow us on Twitter or Instagram