Die Blou Bulle Rugby-unie het Saterdag op Loftus Versfeld ‘n besondere mylpaal vir die Bulletjie-rugby konsep gevier, toe die 30ste amptelike Vodacom Bulletjiedag op die B-; C- en D-velde van die stadion aangebied is.

Sowat 5600 spelers was deur die loop van die dag deel van hierdie unieke skouspel, wat beskou word as die grootste jaarlikse rugby-saamtrek ter wêreld.

Seuns en dogters van 6, 7 en 8 jarige ouderdom vanoor die uithoeke van die Tshwane Metro en selfs verder neem elke jaar deel aan die Bulletjiedag.

Daar word mini-rugbywedstryde in die vorm van “tag”-rugby gespeel. Materiaal stroke wat met die hulp van “velcro” aan die spelers se klere geheg word, moet deur verdedigers afgeruk word, waarna die spelers die bal moet uitgee.

Op hierdie manier word kontak-rugby vir die jong spelers verhoed, wat hulle aan die spel gewoond maak sonder die risiko van ernstige beserings.

https://fb.watch/k-2Txr1O-j/

Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.