POLOKWANE – Erica Pre-primêre Skool het onlangs ‘n aksiekrieketdag gehou om geld in te samel .
Die kinders het in hul onderskeie klasse in mini-aksiekrieket en toutrek meegeding.
Die ouers het ook deelgeneem en was in ses spanne ingedeel naamlik: Eendjies, Zebras, Skilpad, Bere, Olifant en Kameelperd.
As deel van die fondsinsameling het die spanne elkeen ‘n fooitjie betaal om deel te neem.
Elke span het vyf wedstryde gespeel en die algehele wenners was die Skilpadspan gelei deur Laura du Toit.
Die hoof, Monja Groenewald bedank ouers en hulle kinders wat die dag ‘n reuse sukses gemaak het.
“Dit was ‘n baie lekker familiedag, propvol pret en spangees. Baie dankie,” het sy gesê.
At Caxton, every story is written by humans. We use AI only to perform quality checks - never to generate the news. Happy reading!
