Ouers en onderwysers van Laerskool Pietersburg-Oos (Oosskool) asook die gemeenskap en personeel van die skool het op Donderdag, 18 Junie en Vrydag, 19 Junie deelgeneem aan die jaarlikse Suid-Afrikaanse Nasio-nale Bloeddiens (SANBD) se bloedskenkkliniek by die skool.
Jacobie Engelbrecht skenk bloed vir die gr. 3D en gr. 5V-klas.
POLOKWANE – Ouers en onderwysers van Laerskool Pietersburg-Oos (Oosskool) asook die gemeenskap en personeel van die skool het op Donderdag, 18 Junie en Vrydag, 19 Junie deelgeneem aan die jaarlikse Suid-Afrikaanse Nasio-nale Bloeddiens (SANBD) se bloedskenkkliniek by die skool.
Van vroeg verlede Donderdagoggend was die SANBD personeel reeds gereed om skenkers wat tyd maak om ‘n lewe te red, te help. Selfs die ysige koue kon hulle nie weerhou om hierdie goeie daad te doen nie.
Daar was 190 eenhede bloed geskenk van 222 potensiële skenkers. Die oorspronklike mikpunt was 300 eenhede, maar as gevolg van die koue wintermaande en die gepaardgaande grieperigheid kon hulle nie die volle hoeveelheid insamel nie.
“Ons is baie bly vir al die bloed wat geskenk is.
“Dit is winter en baie mense is siek, so ons is opreg dankbaar vir elke skenker wat die moeite doen om te kom bloei,” vertel Dottie Pinn, skakelbeampte van die SANBD.
Vriende ondersteun mekaar tydens die bloedskenkkliniek. Hier is Cilliers Steenkamp (gr. 4B-skenker) en Pierter van Eeden (gr. RG-skenker) besig om bloed te skenk by Oosskool se bloedskenkkliniek op Dondaderdag, 18 Junie.
Kirzanne Klopper skenk bloed vir haar kind se gr. 2K-klas.
Dottie Pinn (SANBD, skakelbeampte) verduidelik aan die gr. 1M-klas van Oosskool hoe die bloedskenkproses werk tydens die SANBD se bloedskenkkliniek by Oosskool op Donderdag, 18 Junie.
Sharon Botha (SANBD, skenker beheeroffisier) prik Jeanne van Straaten se vinger voor sy gaan bloei vir die gr. 5V-klas by Oosskool se bloedskenkkliniek op Donderdag, 18 Junie.
Albert van der Westhuizen skenk bloed vir sy vrou, Michelle, wat die gr. 4-graadhoof by Oosskool is.
Franco Rabe wat skenk vir die gr. 2A en gr. RM-klasse sit sodat Thatcher Malesa (SANBD, geregistreerde verpleegster) sy bloeddruk neem voor hy gaan skenk by Oosskool se bloedskenkkliniek op Donderdag, 18 Junie.
Di-Di Nel skenk bloed vir haar kinders in Oosskool se gr. 3D en gr. 4T-klasse.
JP Lopes (Aida, verteenwoordiger) saam met Albert Rongwato (SANBD, skenker beheeroffisier) by een van Aida se advertensies. Aida het die koekies, sap en ‘n geskenkpakkie vir elke skenker geborg vir die bloedskenkkliek by Oosskool op Donderdag, 18 Junie en Vrydag, 19 Junie.
Deidre van Jaarsveld wat vir die gr. 1M en gr. 3R-klasse bloedskenk, sit saam met Belinda Collins wat vir die gr. 4W en gr. 2I-klasse skenk tydens Oosskool se bloedskenkkliniek op Donderdag, 18 Junie. Agter hulle staan Isaac Mothapo (SANBD, skenkerassistent).
Die twee gelukkige kinders vir wie daar bloed geskenk word. Voor is Kimi Prinsloo (Gr. RM) en Lené Prinsloo (gr. 2A). Agter is Janine Prinsloo en Franco Rabe besig om bloed te skenk by Oosskool se bloedskenkkliniek op Donderdag, 18 Junie.
