Leandré Labuschagne en Marzé Becker by hul "minute to win it" tafel wat die leerders behoorlik aan die gons gehad het.
POLOKWANE – Die leerders van Laerskool Pietersburg het in die laaste skoolweek ‘n entrepreneursdag gehou by die skool. Die dag het die leerders die kans gegee om hulle entrepreneursvernuf behoorlik ten toon te stel.
Daar was ‘n wye verskeidenheid eetgoed te koop, speletjies waar pryse gewen kon word en selfs foto geleenthede saam met vriende of ‘n leeu. Karen Muller, skakelbeampte van die skool, het vertel dat die entrepreneursdag die kinders die geleentheid gee om kreatief te wees en om van amper niks, iets te kan maak.
Cor Muller besluit om sy fotografie-stokperdjie te benut om geld te maak tydens die entrepreneursdag.
Jaden Rheeder, Tiaan van den Heever en Jandré van der Heyde verkoop heerlike eetgoed vir almal met ‘n soettand.
Augusta Van Niekerk deel ‘n spesiale oomblik saam met haar maat Savanna, die leeuwelpie wat sy na die skool toe gebring het vir die mede leerders om te sien en mee te kuier vir die entrepreneursdag.
Tracy Bezuidenhout, Dané Marais en Chané Fouché by hul gewilde malvalekker-happies.
Kayla Krafft verkoop oulike speelgoed by die entrepreneursdag.
