POLOKWANE – Leerders wat voor die skool gesluit het deel was van die Laerskool Pietersburg hokkiesokkie het gesien dat hulle bydrae nie verniet was nie na die afloop van die skoolvakansie.
Die sokkie is op die laaste dag van skool gehou as fondsinsameling vir die skool se eerste hokkiespan wat in die vakansie gaan toer het. Die gr. 4- tot 7-leerders het almal die aand weggedans met unieke kleredrag wat by die tema van hoede, strepe en kolle gepas het. Die hokkiespan het op Saterdag, 18 Julie en Sondag, 19 Julie na Laerskool Mariepskop getoer om hokkie te speel.
Daar was op die aand hope te koop en te eet en die leerders was nie skaam om seker te maak dat hulle lekker kon eet én lekker dans.
Leerders het ook die kans gehad om in ‘n foto-hokkie fotos te neem sodat hulle kon seker maak dat hulle die aand altyd kan onthou.
Die uitslae van die wedstryde is nog nie bekend nie, maar die leerders wat die toer mee gemaak het vertel dat hulle baie geleer het van die spel en dat hulle daarna uitsien om dit toe te pas en nóg beter en sterker te word.
