Oosskool graad-R’e is trots Suid-Afrikaans

Biltong, boerewors, pap en sheba, volkspele en yskoue gemmerbier was kenmerkend van die Trotse Suid-Afrika Dag wat onlangs deur Laerskool Pietersburg-Oos se graad R-leerders aangebied is.
Die oggend het in die skoolsaal met volkspele begin waar leerders, geklee soos Voortrekkers, Zoeloes, Protea-ondersteuners en boere, jolige tradisionele Afrikaanse liedere gesing en daarop gedans het.
Daarna het elkeen die geleentheid gekry om homself aan die ouers voor te stel.
Leerders het ook aan ‘n sakspring-resies deelgeneem en gekyk hoe biltong gemaak word. Verder was daar yskoue gemmerbier, pap en sheba en worsbroodjies by stalletjies op die spyskaart.

RC Myburgh
>>rc.observer@gmail.com