Tommies hou opedag vir graad 7’s
Graad 7-leerders het verlede Woensdagmiddag geleentheid gehad om te sien wat Hoër Tegniese Skool Tom Naudé hulle kan bied, sou hulle besluit om volgende jaar by dié skool in te skryf. Leerders kon in die saal meer te wete kom oor die tegniese studierigtings en vakke voordat die Verteenwoordigende Leerderraad (VLR) ouers en hul kinders …
Graad 7-leerders het verlede Woensdagmiddag geleentheid gehad om te sien wat Hoër Tegniese Skool Tom Naudé hulle kan bied, sou hulle besluit om volgende jaar by dié skool in te skryf.
Leerders kon in die saal meer te wete kom oor die tegniese studierigtings en vakke voordat die Verteenwoordigende Leerderraad (VLR) ouers en hul kinders na die sentrums geneem het waar vaardige Tommies gewys het wat die meganiese, tegniese en elektroniese vakke van die skool behels en wat die graad-7’s volgende jaar te wagte kan wees. Interessante eksperimente is deur die skool se wetenskapleerders uitgevoer wat graad 7- leerders se monde laat oophang het.
Foto’s van sport-, kultuur-, en pretaktiwiteite soos die gewilde jaarlikse kaskarresies is ook vertoon.
RC Myburgh
>>rc.observer@gmail.com
Tommie-leerder Riko van Tonder asook leerkragte, Holly van Heerden en Louise Venter laat Laerskool Piet Hugo-leerder, Romano Harmse sommer vinnig tuisvoel.
