Is Jeugdag nog werklik vir die jeug?
Review het vir leerders gevra of hulle nog aanklank vind by die oorsprong van Jeugdag en of hulle dié dag herdenk.
POLOKWANE – Die gebeure van 16 Junie 1976 is steeds vars in die geheue van vele Suid-Afrikaners ingeprent as die dag waar die jeug in opstand gekom het teen die destydse regering.
Op dié dag het tussen 3 000 en 10 000 leerlinge in Soweto aan ‘n optog, teen ‘n reël dat Afrikaans in skole aangebied moet word, deelgeneem. Die optog sou by die Orlando Stadion in Soweto eindig, maar op pad daarheen is hulle deur polisie amptenare verhoed om verder te gaan.
Daar is toe met traangas op hulle geskiet en meer as 170 leerlinge is dood tydens die voorval.
Jeugdag is geskep om hierdie dag se gebeure te herdenk, en die dag is as ‘n nasionale vakansiedag verklaar.
Review het vir leerders gevra of hulle nog aanklank vind by die oorsprong van Jeugdag en of hulle dié dag herdenk.
