PLS hengelaars maak skool trots
Dié span is aangewys as algehele Limpopowenners en sal die provinsie in Oktober by die Suid-Afrikaanse Skole Kampioen van Kampioene verteenwoordig.
POLOKWANE – Pietersburg Laerskool kan spog met ‘n groot groep leerders wat hulle tyd langs die viswaters deurbring.
Hierdie hengelaars het onlangs aan die Limpopo Laerskoleliga se finaal deelgeneem en die skool en hulle gemeenskap trots gemaak.
PLS se eerste span, HKGK, bestaan uit Chris-Lou Duvenhage, Hugo Greyvenstein, Jason Breed en Ryan Evert.
Dié span is aangewys as algehele Limpopowenners en sal die provinsie in Oktober by die Suid-Afrikaanse Skole Kampioen van Kampioene verteenwoordig.
Chris-Lou het algeheel derde geëindig en Hugo Greyvensteyn vierde.
Lugion Langenhoven is in die uitnodigingspan opgeneem vir sy prestasie.
In die jongedameskategorie is PLS se eerstemeisiespan, Double Trouble, as algehele wenners aangewys en die tweede span as naaswenners. Janica Cilliers is aangewys as algehele wenner in die tweede span.
Beide hierdie spanne gaan Limpopo in Oktober by die Suid-Afrikaanse Skole Kampioen van Kampioene verteenwoordig.
