Eagles troef teenstanders in T20-liga
Die plaaslike Eagles-eerstekrieketspan was Sondag onoorwonne tydens twee T20-liga wedstryde wat by die Polokwane Krieketklub gespeel is. Die Polokwanespan het vroegoggend eerste teen die span van Mahwelereng kragte gemeet en met 154 lopies gewen. Eagles was eerste in die kolfkamp en het 220 lopies vir die verlies van vyf paaltjies aangeteken. Mahwelereng kon slegs daarin …
Die plaaslike Eagles-eerstekrieketspan was Sondag onoorwonne tydens twee T20-liga wedstryde wat by die Polokwane Krieketklub gespeel is.
Die Polokwanespan het vroegoggend eerste teen die span van Mahwelereng kragte gemeet en met 154 lopies gewen.
Eagles was eerste in die kolfkamp en het 220 lopies vir die verlies van vyf paaltjies aangeteken. Mahwelereng kon slegs daarin slaag om 66 lopies te maak.
Theo Jansen van Rensburg het 82 lopies aangeteken, terwyl JP Lopes 40 lopies, nie uit nie, en Ruann Willemse 39 lopies aangeteken het.
Sondag het Eagles die Al-Fatah-span aangedurf en ware veggees getoon deur met 60 lopies te wen.
Ruann Willemse het 73 lopies aangeteken en Pieter Haasbroek het vyf paaltjies laat kantel.
LEANDRI VAN SCHALKWYK
>>leandri.observer@gmail.com
