Gemengde welslae vir plaaslike rugbyspanne
Die vierde ronde van die Boet Fickliga is die naweek op Goldwagen Noordelikes en Pietersburg Dorp Rugbyklub se onderskeie velde gespeel. Pietersburg Dorp se tweedespan het Saterdag op hul tuisveld met 10-20 teen Phalaborwa Rugbyklub verloor en speel Saterdag ‘n wegwedstryd teen Potgietersrus Rugbyklub. Op Noordelikes se veld het die rooi masjien teen Louis Trichardt- …
Die vierde ronde van die Boet Fickliga is die naweek op Goldwagen Noordelikes en Pietersburg Dorp Rugbyklub se onderskeie velde gespeel.
Pietersburg Dorp se tweedespan het Saterdag op hul tuisveld met 10-20 teen Phalaborwa Rugbyklub verloor en speel Saterdag ‘n wegwedstryd teen Potgietersrus Rugbyklub.
Op Noordelikes se veld het die rooi masjien teen Louis Trichardt- en Dendron Rugbyklubs te staan gekom. Die derdespan het Louis Trichardt met 19-17 ore aangesit, terwyl Dendron die tweedespan met slegs vier punte, 24-20 kon klop.
Noordelikes se eerstespan het uithalerrugby gespeel en Louis Trichardt met ‘n eindtelling van 31-10 laat les opsê.
Groot rugbyaksie word volgende naweek verwag wanneer Pietersburg Dorp en Noordelikes mekaar pak.
RC Myburgh
>>rc.observer@gmail.com
