Noordelikes wys Letaba wie is baas op rugbyveld

Daar was geen keer aan Goldwagen Noordelikes se drie rugbyspanne wat Saterdag tydens die twaalfde ronde van die Boet Fickliga teen Letaba Rugbyklub skoonskip gemaak het nie.
Die rooi masjien se tuisveld het definitief in hul guns getel en spelers het gereeld deur Letaba se verdediging gebreek en agter die doellyn gaan kuier.
Die eerstespan het met 26-9 geseëvier terwyl die tweede- en derdespan onderskeidelik met 37-5 en 29-19 die botoon gevoer het.
Noordelikes speel Saterdag in Louis Trichardt teen dié dorp se rugbyklub.

Hoof Foto: Barry Viljoen – Derdespanspeler van Goldwagen Noordelikes, Barend Jacobsz.

RC Myburgh
>>rc.observer@gmail.com