Krugie vir President- span gekies

MOKOPANE – LAERSKOOL Krugerpark se Franco Botha is gedurende die jaarlikse AVS-Bokkieweek in Kroonstad gekies om gedurende Oktober in Namibië as haker vir die o/13-Presidentspan uit te draf.

Franco, ‘n gr. 7-leerder, het van 6 tot 10 Julie sy vernuf as haker in die o/13 Verre Noord rugbyspan in verskeie titaniese wedstryde behoorlik gewys en hy pluk die vrugte van sy goeie spel.

“Rugby is my passie,” sê Franco met ‘n breë glimlag, terwyl hy aan Bosveld vertel dat veral sy pa Jan, baie trots is op hom.