Jonk en oud swaai hul stokke tydens KFC gholfdag

BYNA 110 gholfspelers en 38 Krugies het verlede Donderdag hul stokke tydens die KFC Laerskool Krugerpark Gholfdag geswaai.

July 31, 2015

Jolandi Fourie 1 minute read

KFC was die hoofborg van die Laerskool Krugerpark se suksesvolle gholfdag verlede Donderdag. Pieter Vorster, Michael de Beer, Yolande de Beer, Kurt Kruger, Gerda Hawken en Nadiene Brews smul lekker aan KFC se heerlike cuppacino's.

MOKOPANE – BYNA 110 gholfspelers en 38 Krugies het verlede Donderdag hul stokke tydens die KFC Laerskool Krugerpark Gholfdag geswaai.

Die spelers het reeds vroegoggend die eerste houe geslaan en die jongelinge van Krugerpark het hul nie deur die ouer spelers laat stuit nie en puik gevaar.

In die junior-afdeling is Will Hawken as die wenner gekroon met Jeandré Nortje kort op sy hakke in die tweede plek. Laumari Hawken slaan ‘n derde plek los en Johan Kotze raap ‘n vierde plek op, terwyl Nicolai Kruger ‘n gesogte vyfde plek inpalm.

In die senior-afdeling wen die gedugte span van Afana cash loans bestaande uit Jan Klopper, Munro Deysel, De Wet Kruger en Robert Abrahamse. Die N1-Petroleumspan bestaande uit Frikkie Beytell, Garry Nel, Koos Meyer en Neville Barnard het hulle stokke behoorlik geswaai en ‘n tweede plek losgeslaan.

Johan Vertongen, skoolhoof van Laerskool Krugerpark, bedank al die spelers, organiseerders en borge vir hul bydrae asook in besonder vir KFC die hoofborg, waarsonder die dag nie moontlik so wees nie.