Top junior swemmers beloon tydens prysuitdeling
Die swemmers van die Tuks Mokopane Swemklub is verlede Dinsdag tydens hul prysuitdeling in die Pierneefsaal van Hoërskool Piet Potgieter vir hul harde werk beloon.
MOKOPANE – Die swemmers van die Tuks Mokopane Swemklub is verlede Dinsdag tydens hul prysuitdeling in die Pierneefsaal van Hoërskool Piet Potgieter vir hul harde werk beloon.
Altesaam 100 swemmers het pryse en toekennings ontvang vir hul deelname en prestasies deur die swemseisoen.
Swem prestasies:
• Raymond Kockott ontvang die gesogte Coaches Cup
• Lianca du Toit, Mighael Alberts, Morné van der Bank en Miral Honiball ontvang die wisseltrofeë vir getroue bywoning van die swemoefeninge
Drie top swemmers is vereer met wisseltrofeë vir die Midmar Myl:
• Morné van der Bank vir die beste senior seun
• Franco Botha vir die beste junior seun
• Anél de Vos vir die beste meisieswemmer.
Afskeid word geneem van Miral, Anél, Deané en Duvan Oosthuizen. Die klub wens hul die beste vir die toekoms toe.
Awie Hattingh, afrigter, bedank die volgende borge: Micro Matica (hoofborg), Pieter en Alandi Vogel (Chops & Chives), Sandra White (Torga Optical), Gustav en Yolanda Tiersma, Deon en Vanessa Oosthuizen, Edwill Glover en Werner en Leonore Alberts. Die klub bedank ook die ouers vir hul hulp met die prysuitdeling en Hoërskool Piet Potgieter vir die gebruik van die Pierneefsaal.
Hierby foto’s van die juniors wat pryse ontvang het. Hou Bosveld aanstaande week dop vir die senior pryswenners.
